Kismaayo:-Waxaa si bareer ah caawa ay u dileen ciidanka Maamulka Islaamiga ah ee magaalada Kismaayo ee jooga Saldhiga Booliska ee Kismaayo Sarkaal haysan jiray Magaalada Kudhaa iyo Buurgaabo lana oran jiray Coll Saalax Xasan Kediye (Saalax OOji)

Coll Saalax Xasan Kediye (Saalax OOji) ayaa waxaa ay la gaareen Xoogagga Islaamiyiinta hishiis waxaan intii uu joogay Kudhaa Buurgaabo lagu hishiiyey in aan la dagaalamin taas oo ay ka shaqeeyeen culuma,udiin iyo Odayaal deegaanka u dhashay.

Markii uu dagaalkii Kismaay qaraxay oo ay xoogagga islaamiyiin ah ay la wareeg een Kismaayo ayaa Coll Saalax Xasan Kediye (Saalax Ooji) waxaa uu yimid magaalada Kismaayo ,isaga oo u yimid dano gaar ah uu ka lahaa magaalada Kismaayo.

Sidda ay noo sheegeen ilo wareed lagu kalsoon yahay waxaa la qabtay Faarax OOje Maalin dhaweyda isaga oo  maraya Xaafadaha magaalada Kismaayo ka tirsan waxaana joojiyey ciidan ka tirsan Maamulka Kismaayo waxaan ay wiidii yeen in magaciis la yiraahdo Coll Saalax Xasan Kediye (Saalax OOji) ,waxaan uu u sheegay in magaciisa la yiraahdo Faarax ooje

Ciidanka ayaa u sheegay in laga rabo Saldhiga ka dibna Saldhiga ayey geeyeen oo waxaa ay u sheegeen in uu xiran yahay ,Odayaasha beesha uu ka soo jeeda ayaa u yimid Wadaadada waxaan ay u sheegeen in Faarax uu hishiis la gaaray Maxkamadaha wax dhibaatan uusan samayn balse ciidanka Saldhiga joogay ayaa ku adkeystay in Maamulka sare uu dalbaday in la xiro Faarax Ooje.

Coll Saalax Xasan Kediye (Saalax OOji) ayaa ahaa Sarkaal dhowr jeer dagaal la galay ciidanka Maxkamadaha isaga oo wata maleeshiyo beeleed ka arimin jiray Kudhaa iyo Buurgaabo,dagaaladaas ayaa waxaa ku guulaysatay in ay baajiyaan Odayaasha dhaqanka waxaan la wada gaaray in aan la dagaalamin

Odayaasha iyo culimo'udiinka ku sugan magaalada Kismaayo ayaa waxaa ay maalmahaan wadeen dadaal ay doonayeen inay ku soo daayaan Sarkaalkaan Coll Saalax Xasan Kediye (Saalax OOji).

Mid ka mid ah culimada Dacwada magaalada ayaa u sheegay odayaasha ay beel ahaan isku xigeen Coll Saalax Xasan Kediye (Saalax OOji) in la soo dayn doono maanta,taas oo markii ay soo baxday uu  Coll Saalax Xasan Kediye (Saalax OOji) isku diyaarshay in la sii daynayo uuna soo qaatay dharkiisa  una soo baxay banaanka qolkii uu ku xirnaa 2 nin oo ka tirsan ciidanka Saldhiga Booliska ayaa waxaa ay si bareer ah u toogteen Faarax OOje oo isla goobta ku dhintay,ciidanka ayaa waxaa ay fureen rasaas fara badan iyadoo dadku ay ka carareen goobta.

Ilaa hadda ma jiraan wax war ah oo ka soo baxay Maamulka Magaallada Kismaayo ,Ilo wareed aan la xiriirnay ayaa Websidka Halgan.net u sheegay in ay ilaa hadda la yaaban yihiin sababaha loo dilay Coll Saalax Xasan Kediye (Saalax OOji) oo qorshahu uu ahaa in la soo daayo maanta.

Saraakiil ka tirsan oo ciidanka Islaamiga ah ee ku sugan magaalada Kismaayo oo aan xiriir la samaynay ayaa inoo suuroobin in aan hellno balse waxaan isku dayi doonaa inaan xiriir la samayno Saraakiil ka tirsan ciidanka Jabhada Islaamiga ah ee ku sugan Magaalada Kismaayo.

Coll Saalax Xasan Kediye (Saalax OOji) ayaa waxaa uu ka talin jiray nawaaxiga Buurgaabo ilaa Kudhaa waxaan uu ahaa hogaamiye beeleed laga yaqaan G/ Jubada Hoose gaar ahaa magaalada Kismaayo kaas oo ka soo horjeeday Bare Hiiraale kama tirsanayn DFKM.

Halgan.net
Kismaayo