Gaalkacyo:-Koox dhagar qabayaal ah oo caadaystay laynta dadka wax ku oolka u ah bulshada ayaa waxaa xalay dil u geysteen Allaha u naxariistee ganacsade ku noolaa xaafada Wadajir ee Koonfurta Gaalkacyo,Ganacsadahaan ayaa xiligii la dilay waxaa uu ka soo baxay Masjid uu ku tukada salaadii cisho walow warar ka qaar ay sheegayaan in uu marxuunka la dilay ku sii jeeday masjidka xiliga ay dileen dhagar qabayaashu.

Ganacsadaha la dilay ayaa waxaa lagu magacaabaa Raage Axmed wuxuuna ahaa Allaha u naxariistee Wakiilka Shirkadda Jubba Air ee Koonfurta Gaalkacyo kooxda dilka geystay ayaa baxsady ilaa haddana gacan laguma dhigin.

Maamulka ka jira Koonfurta Gaalkacyo ee Gal-mudug ayaa waxaa ay ku jiraan baaritaan ay ku doonayaan cid dilka geystay, Magaalada Gaalkacyo ayaa waxaa ka dhaca dilala qorshaysan oo laga geysto 2 dhinac ee ay xaafada ka kooban tahay mana jirto ilaa hadda wada shaqayn buuxda oo ka dhexaysa 2 dhinac arinkaas oo sii murjisa in la qabto dhagarqabayaasha dilalka u geyta dadka wax ku oolka u ah bulshada ku dhaqan Gaalkacyo.

M_M_Deeq
Halgan.net