Muqdisho:-Taliyaha ciidanka Milatariga ee DFKM Gen. Maxamed Geelle Kaahiye oo ayaa sheegay in dowladdiisu ay dhawaan la wareegi doonto magaalada Caasimada ah ee Muqdisho oo ay haatan haystaan inta badan kooxaha ka soo horjeeda DFKM.

Taliyaha ciidanka Milatariga ee DFKM Gen. Maxamed Geelle Kaahiye ayaa wareysi siiyey Wargeyska New York Times wuxuuna sheegay in DFKM ay diyaarsatay ciidamo ku filan oo la wareegi kara magaalada Muqdisho.

Mar Gen. Maxamed wax laga weydiiyey taageerada ay siin doonto dowlada Mareykanka ayaa waxaa uu sheega y in ay dowladiisa soo dhaweynayso gargaarka hubka ah oo ay siin doonto dowlada Mareykanka ayna ka caawin doonto qabsashada Muqdisho.

Mid ka mid ah saraakiisha Wasaaradda Arrimaha Dibadda ee dalka Mareykanka ayaa sheegay in hal askari oo Mareykan ah uusan cagaha soo dhigeyn dalka Soomaaliya, balse uu ka kaalmeyn doono dhinacyada ciidamada iyo hubka dowlada Sh Shariif Sh Ahmed.

Ilaa haatan lama yaqaan wax run ka noqon doona baalxooftanka kooxaha isku haya xukunka dalka iyada oo ay qolo walbo laga joogi waayey faankooda.

A/Cawale
Halgan.net