Muqdisho:-Afhayeenka Xoogagga Al-shabaab Shiikh Cali Maxamuud Raage ayaa maanta shir jaraa’id oo uu ku qabtey Magaalada Muqdisho waxaa uu kaga hadlay hadal dhawaan ka soo baxay Dowlada Maraykanka iyo Ingriiska oo ay ku sheegeen in ay cunaqabatayn ay ku soo rogayaan Al-shabaab iyo cid walba oo taageerta.

Afhayeenka Al-shabaab Shiikh Cali ayaa waxaa uu sheegay in cunaqabatayn la saaro ururkoodu aysan waxba ka bedelaynin wax ay aaminsan yihiin balse ay ku sii dhiirigelinayso qorshahooda.

Afhayeenka Al-shabaab Shiikh Cali Raage ayaa ku tilmaamay go'aanka dhawaan ay qaadatay dowlada Ingriiska uu yahay mid ay ku doonayaan in ay Jaaliyada Soomaaliyeed ee u haajiray dalkooda ay ku xalaashanayaan dhigooda iyo xoola hooda waa sida uu hadalka u dhigey.

Afhayeenka Al-shabaab Sh. Cali Raage ayaa waxaa kale oo uu ka hadlay hadal dhawaan ka soo baxay dowlada Maraykanka oo sheegayey in ay DFKM ka caawin doonaa dagaalka ay la geli doonaa Al-shabaab iyo Ururks Xisbul Islaam dhinac cirka arinkaas ayaa Afhayeenka Al-shabaab Sh Cali waxaa uu sheegay in ay u diyaar garoobeen cid hadda ka hortaagan dowlada Maraykan aysan jirin in ay dagaalka soo galaan.

Afhayeenka Al-shabaab Sh Cali Raage ayaa sheegay in weerar kasta oo kaga yimaad ciidanka AMISON,Maraykanka iyo kuwa DFKM ay iska diaaci doonaa Sh Cali aya xusay in Qabaailka Soomaaliyeed uu xiriir fiican ka dhexeeyo Xarakada Al-shabaab rajaynayana in ay taageero iyo bogaadin u fidin doonaa.

Afhayeenka xoogagga Al-shabaab Shiikh Cali Raage ayaa uga digay Hay’adda WFP ee Qaramada Midoobey in ay cag soo dhigto dalka Soomaaliya, Hay'addaha WFP ayaa odayaasha dhaqanka Hawiye waxaa ay codsadeen in ay dib u bilaabi karaan howlahoodii ay ka wadeen dalka Soomaaliya iyagoo codsi u diray xoogagga Al-shabaab in ay Hay'adda u fasaxaan howlahoodii ay ka qaban jireen Soomaaliya.

A/cawaale
Halgan.net