Hargeysa:-Shiikh Mahmed Sh Ismaaciil inta reer Hargaysa ahi way garanaysaa isaga iyo Abbihiiba, waa nin xidhiidh dheer oo caa’iladeed laleh beesha Isaaqa. Wuxuu ka tirsanaa dhalinyaradii u horraysay ee la odhan jiray Waxdatul Shabaab Al-islaam, marnaba kama uu qayb noqon ururkii Al-Itixaad.

Shiikh Maxamed Shiikh Ismaaciil wuxuuna aqoon fiican u leeyahay diinta, inkastoo Aabbihii lagu tilmaami jiray dadkii lashaqayn jiray nidaamkii Afwayne, haddana isagu taariikh taas aad uga fog ayuu leeyahay, waa daaci diini ah, waa shiikh aan ummada dhib u gaysan, halgankii ummada iyo colaadii lagu soo qaaday hargeysa iyo Togdheerna ay aad u dhibtay, wuxuu ummada ka ahaa tiit dhexaad iyo baal dahab ah.

Mar aanu xidhiidh la samaynay nin aad u yaqaanay oo wadaada lahaa wuxuu noo sheegay “Maxamed waxaan aqaanay muddo iminka kudhaw 27 sanadood oo aanu mararka qaarkood meel ku wada noolayn. waa nin reer ahaan kasoo jeeda beesha Akishaha ee degta gobolka 5aad ee Eithopia. Wuxuu ku koray oo wax ka bartay Hargaysa, markii danbena wuxuu ka baxay Jaamacaddii Xamar. Waa dhakhtar Xanaanada Xoolaha ah.

Mohamed markii 1988 laqaxay wuxu u qaxay magaalada Duriya ee katirsan degmadda Allaybaday wuxuuna ka bilaabay malcaamad qur’aan oo uu caruurta wax ugu dhigi jiray iyo isagii oo noqday wadaadka magaalada. kadibna wuxu u guuray Magaalada Harta Shiekh oo uu noqday shiikha magaalada ee dadka diinta u dhiga.

Markii dalka dib loosoo galay Hargaysa ayuu kusoo noqday oo uu ka bilaabay in uu ciyaalka yaryar ee reer Hargaysa ee Streetka seexda uu meel u sameeyo. Wuxuu ku guulaystay in ciyaal ku dhaw kontaneeyo uu si fiican u tababaro noloshoodiina uu wax kabedelo.

Markii dagaalka sokeeyo ka dhacay Hargaysa wuxu u guuray Magaalada Ceerigaabo, halkaas oo uu ka noqday dhakhtar xoolaha ah, isla markaas Maxamed wuxu ku caan baxay dawaynta dadka ee laga dawaynayo waxa looyaqaan Jinka, isagoo dadka Qu’raan iyo dhir isugu daraya”.

Ninkii ummada sidaas dhaqanka iyo xidhiidhka diineed, dhaqameed iyo walaalnimo la lahaa waxaa maanta lagu garacaa jeelka Hargeysa isaga oo lagu leeyahay Itoobiya ayaad cayday. Waxaa kula jira culimo kale oo diintooda awgeed loo garaaco, waayo hadday jirto wax lagu hayaa maxkamad ayaa la hor keeni lahaa. Somalilandfuture Online oo aad u dabagashay arrinta ayaa waxay wax ka waydiisay xukuumada Somaliland denbiga lagu haysto Wadaaka Maxamed Shiikh Ismaciil iyo Culimada kale, waxaa kaloo ay waydiisay su,aalo la xidhiidh jidh dilka lagu hayo Shiikha. Xukuumada, gaar ahaan wasiirka Arrimaha Gudaha iyo masuuliyiintii aanu la xidhiidhnay, waa ka gaabsadeen xaalada wadaadka iyo jidh dilka cajilada laga daalacanayo.

Cajilada aanu idiin soo gudbinay waxaa ku jira Shiikh Maxamed Shiikh Ismaaciil oobaadhitaan lagu samaynayo. Su’aalaha la waydiiyey waxaa ka mid ah.

Saaxiibada Somaliland isdee u aragtaa?
Maxaad Maraykanka iyo Itoobiya u maagtaa ama u saaran tahay had iyo jeer haddii aad tahay wadaad caadiya?

Wuxuu ku jawaabay illaahay qur’aankiisa ka leexin maayo wadadii uu hayey. Si wacan u jawaab ayaa lagu yiri haddii kale warasigu wuxuu isu bedelayaa habeenimo oo waanu ku garaacaynaa.

DalkeeniiSomaliland, nidaamkii aynu qaadanay, habkii iyo hanaankii cadaalada, waad aragtaan sida muwaadiiniinta looa dhaqmayo.

“Ataqtuluuna Rajula an yaquula rabiyalaah” waxaana lagu dilayaa Maxamed in illaahay wadadiisii uu qaaday, waxaa lagu dilayaa in diinta uu leexiyo, waxaa lagu dilayaa in aanu ummada waxa qur’aankooda ku qoran u sheegin. Miyaanayn cahdigii Siyaad Bare oo kale ahayn ama ka xumayn. Somaliland ma sidaas ayaynu la rabnaa, ma wadadaas in ay qaado ayaynu donaynaa.

Alaahu mashhad, allaahuma hal balaqta.....Alaahu mashhad, allaahuma hal balaqta.

Xigasho Radio Laascaanood
Halgan.net